Səbaildə “bomj” dostunu qətlə yetirən şəxs: “Bilmirəm türmədə sağ qalacağam, ya yox

10
views

e502135554a7e6fc9ecd8
Səbaildə “bomj” dostunu qətlə yetirən şəxs: “Bilmirəm türmədə sağ qalacağam, ya yox…” Bakıda qətl hadisəsi baş verib. Səbail Rayon Prokurorluğundan verilən məlumata görə, hadisə Bayıl qəsəbəsində qeydə alınıb. Tüfeyli həyat tərzi keçirən 1970-ci il təvəllüdlü Rafiq Ağayevin meyiti yaşayış binalarının yanında yerləşən meydançada aşkar edilib. Onun bədənində kəsilmiş-deşilmiş yaralar aşkarlanıb. Araşdırma zamanı hadisəni qətlə yetirilən şəxsin tanışı, 1970-ci il təvəllüdlü Vladimir Kopeykin tərəfindən törədildiyi müəyyən edilib. Prokuror köməkçisi Mirfariz Seyidəliyevin sözlərinə görə, qatil qətli törətdikdən sonra hadisə yerindən qaçıb: “Hadisə yerindən qaçıb. Törətdiyi cinayəti etiraf edib”. Saxlanan Vladimir Kopeykin qətlin təfərrüatlarını APA TV-yə açıqlayıb: “”Görüşdük, oturduq bağçada, başladıq içməyə. Sonra təkrar içki almağa görə mübahisəmiz yarandı. Ana-bacı söyüşləri söyüldü. Bıçaq ortada idi. Kim birinci götürsəydi, o biri öləcəkdi”. Vladimirin sözlərinə görə, tanışına cəmi bir bıçaq zərbəsi vurub. Sonra onu hadisə yerində qoyaraq qaçıb. “Bıçağı götürdüm, bircə dəfə vurdum. Əvvəllər məhkum olmuşam, törətdiyim əmələ görə peşmanam. Bilmirəm sağ qala biləcəyəm, ya yox…” Qeyd edək ki, qətlə yetirilən Rafiq Ağayev də əvvəllər məhkum olunub. Faktla bağlı araşdırmalar davam edir.

PAY